Прадстаўнікі Нацыянальнай платформы Форуму грамадзянскай супольнасці праграмы "Усходняе партнёрства" заклікалі ўрады еўрапейскіх краін, Савет Еўропы, ААН, Еўракамісію, Еўрапарламент і Савет Еўрасаюза спыніць удзел беларускіх улад ва Усходнім партнёрстве і шэрагу праграм тэхнічнай дапамогі.
Зварот апублікаваны на сайце http://eurobelarus.info 9 студзеня.
Паводле меркавання яго аўтараў, удзел беларускіх улад ва Усходнім партнёрстве, міжурадавых праграмах тэхнічнай дапамогі ў сферы эканомікі, энергетыкі і трансгранічнага супрацоўніцтва, а таксама перамовы аб даванні эканамічных і гандлёвых прэферэнцый павінны быць прыпынены "да спынення крымінальнага праследавання і іншых неправавых дзеянняў у дачыненні да кандыдатаў у прэзідэнты і грамадзянскіх актывістаў, якія знаходзяцца ў следчым ізалятары КДБ" і іншых ізалятарах, а таксама ў дачыненні да асоб, "прэвентыўна затрыманых міліцыяй напярэдадні падзей 19 снежня".
Аўтары звароту заклікаюць пералічаныя арганізацыі "стварыць міжнародную камісію" для расследавання падзей 19—20 снежня і прыцягнення да адказнасці іх "рэальных вінаватых".
Яны просяць еўраструктуры і ААН звярнуцца да міністраў замежных спраў, адукацыі, працы і сацыяльнай абароны Беларусі "з заявай аб недапушчальнасці практыкі адлічэнняў студэнтаў і навучэнцаў з навучальных устаноў Беларусі, а таксама звальненняў з працоўных месцаў у сувязі з удзелам у мірных акцыях пратэсту і немагчымасці працягваць супрацоўніцтва з Беларуссю ва ўсіх сферах у выпадку такіх адлічэнняў".
Зварот утрымлівае заклік "узмацніць рэгулярныя кантакты і дыялог арганізацый грамадзянскай супольнасці Беларусі з рознымі еўрапейскімі суб`ектамі", а таксама адмяніць консульскі збор для грамадзян Беларусі пры атрыманні шэнгенскай візы ў пасольствах краін ЕС у Мінску.
Аўтары звароту разлічваюць, што "рэакцыя ЕС і абмежаванні ў кантактах і ва ўзаемадзеянні будуць скіраваны на рэальных вінаватых, уключаючы вышэйшых службовых асоб, але не на стаўленне да краіны ў цэлым, яе народа і грамадзянскай супольнасці".
Пад зваротам падпісаліся больш за 50 прадстаўнікоў арганізацый грамадзянскай супольнасці, у тым ліку спікер Форуму грамадзянскай супольнасці Усходняга партнёрства, нацыянальны каардынатар форуму па Беларусі Уладзіслаў Вялічка.
Антон Тарас, БелаПАН
Мінск, 10 студзеня 2011
Паводле меркавання яго аўтараў, удзел беларускіх улад ва Усходнім партнёрстве, міжурадавых праграмах тэхнічнай дапамогі ў сферы эканомікі, энергетыкі і трансгранічнага супрацоўніцтва, а таксама перамовы аб даванні эканамічных і гандлёвых прэферэнцый павінны быць прыпынены "да спынення крымінальнага праследавання і іншых неправавых дзеянняў у дачыненні да кандыдатаў у прэзідэнты і грамадзянскіх актывістаў, якія знаходзяцца ў следчым ізалятары КДБ" і іншых ізалятарах, а таксама ў дачыненні да асоб, "прэвентыўна затрыманых міліцыяй напярэдадні падзей 19 снежня".
Аўтары звароту заклікаюць пералічаныя арганізацыі "стварыць міжнародную камісію" для расследавання падзей 19—20 снежня і прыцягнення да адказнасці іх "рэальных вінаватых".
Яны просяць еўраструктуры і ААН звярнуцца да міністраў замежных спраў, адукацыі, працы і сацыяльнай абароны Беларусі "з заявай аб недапушчальнасці практыкі адлічэнняў студэнтаў і навучэнцаў з навучальных устаноў Беларусі, а таксама звальненняў з працоўных месцаў у сувязі з удзелам у мірных акцыях пратэсту і немагчымасці працягваць супрацоўніцтва з Беларуссю ва ўсіх сферах у выпадку такіх адлічэнняў".
Зварот утрымлівае заклік "узмацніць рэгулярныя кантакты і дыялог арганізацый грамадзянскай супольнасці Беларусі з рознымі еўрапейскімі суб`ектамі", а таксама адмяніць консульскі збор для грамадзян Беларусі пры атрыманні шэнгенскай візы ў пасольствах краін ЕС у Мінску.
Аўтары звароту разлічваюць, што "рэакцыя ЕС і абмежаванні ў кантактах і ва ўзаемадзеянні будуць скіраваны на рэальных вінаватых, уключаючы вышэйшых службовых асоб, але не на стаўленне да краіны ў цэлым, яе народа і грамадзянскай супольнасці".
Пад зваротам падпісаліся больш за 50 прадстаўнікоў арганізацый грамадзянскай супольнасці, у тым ліку спікер Форуму грамадзянскай супольнасці Усходняга партнёрства, нацыянальны каардынатар форуму па Беларусі Уладзіслаў Вялічка.
Антон Тарас, БелаПАН
Мінск, 10 студзеня 2011
Ссылка на текущий документ: http://belarus.kz/aktueller/10-0/414/3788
Текущая дата: 23.12.2024