Таджыкістан зацікаўлены ў камунальных машынах і пасажырскай тэхніцы МАЗ. Пра гэта ішла размова падчас наведвання дэлегацыяй Таджыкістана на чале са старшынёй Сагдыйскай вобласці Раджабоем Ахмадзадай завода «Магілёўтрансмаш» ААТ «МАЗ» — кіруючая кампанія холдынгу «БелаўтаМАЗ».

Члены дэлегацыі агледзелі на прадпрыемстве выставу, дзе была прадстаўлена грузавая, прычапная, пасажырская, камунальная і спецыяльная аўтатэхніка МАЗ. Асаблівую цікавасць кіраўнік Сагдыйскай вобласці праявіў да камунальнай і пасажырскай тэхнікі МАЗ, у прыватнасці да мадэлі аўтобуса МАЗ 206946 і навінкі Мінскага аўтамабільнага завода-электробусу МАЗ 3030Е10.

Пасля агляду мадэльнага шэрагу аўтатэхнікі прадстаўнікі Таджыкістана правялі перамовы з кіраўніцтвам завода «Магілёўтрансмаш» пры ўдзеле кіраўнікоў камерцыйных і тэхнічных службаў ААТ «МАЗ»- кіруючая кампанія холдынгу «БелаўтаМАЗ».

«Бакі абмеркавалі перспектывы далейшага ўзаемавыгаднага супрацоўніцтва. Так, у Таджыкістана ёсць патрэба ў камунальных машынах і пасажырскай тэхніцы МАЗ. Асобным пытаннем стала абмеркаванне варыянтаў стварэння сумеснай вытворчасці ў горадзе Бустон», — адзначылі ў прэс-службе.

Звязда, 6 лістапада 2021