Беларуская нафтавая кампанія за студзень-жнівень 2021 года паставіла на ўкраінскі рынак 42 тысячы тон авіяцыйнага паліва, што ў чатыры разы больш, чым за аналагічны перыяд 2020 года (11 тысяч тон), піша аналітычнае выданне Еnkorr.

Дзякуючы гэтаму за справаздачны перыяд доля беларускага авіяпаліва на рынку Украіны павялічылася з 14% да 47%. Пры гэтым 65% паставак або 27,6 тысяч тон паліва БНК паставіла ў жніўні бягучага года.

"Гэта, у першую чаргу, выклікана правядзеннем шэрагу тэндэраў міністэрства абароны Украіны, па якіх ведамства закупіла больш за 43 тысяч тон рэсурсу", - тлумачыць украінскае выданне.

Цікава, што за восем месяцаў гэтага года Украіна імпартавала 90 тысяч тон авіяцыйнага паліва, што на 21% больш, чым за такі ж перыяд у 2020 годзе (74,2 тысячы тон). У той жа час пастаўкі авіягазу з Літвы зменшыліся на 29% - да 32 тысяч тон.

Беларускія НПЗ займаюць дамінуючае становішча на ўкраінскім рынку нафтапрадуктаў пасля таго, як афіцыйны Кіеў увёў дадатковыя перашкоды для паставак нафтахімічнай прадукцыі, вырабленай у Расіі.

Беларуская нафтавая кампанія таксама патрапіла пад дзеянне амерыканскіх санкцый, але пакуль, як можна меркаваць па інфармацыі Еnkorr, не адчула на сабе паўнату іх уздзеяння.

Мінск, 14 верасня 2021
Sputnik