На дзелавой пляцоўцы СЭЗ «Мінск» адбылася сустрэча кіраўніцтва адміністрацыі свабоднай эканамічнай зоны з заснавальнікам і кіраўніком кампаніі Zafaran Pharmaceuticals (Афганістан) доктарам Хашматам Сеарам Амархаілам, паведамілі ў прэс-службе СЭЗ «Мінск».
Кампанія зацікаўлена ў гандлёвай, вытворчай і інвестыцыйнай дзейнасці, а таксама разглядае магчымасць будаўніцтва фармацэўтычнага прадпрыемства на тэрыторыі СЭЗ.
Першы намеснік кіраўніка адміністрацыі СЭЗ «Мінск» Сяргей Бубенька прэзентаваў інвестыцыйны патэнцыял, асаблівасці атрымання статусу рэзідэнта, магчымыя напрамкі дзейнасці ў СЭЗ. Таксама бакі абмеркавалі перспектыўныя варыянты супрацоўніцтва.
Кампанія Zafaran Pharmaceuticals больш за 25 гадоў працуе ў сферы аховы здароўя і з’яўляецца адной з пяці найбуйнейшых фармацэўтычных кампаній Афганістана. Прадпрыемства мае ліцэнзію на вытворчасць больш як 60 розных лекавых сродкаў, спецыялізуецца на вытворчасці джэнерыкаў, капсул, сухіх завісяў і ін’екцыйных прэпаратаў.
Звязда, 1 красавіка 2024
Ссылка на текущий документ: http://belarus.kz/aktueller/10-402/1/73490
Текущая дата: 17.05.2024