Як паведаміў Нацыянальны статыстычны камітэт, тэмп росту ВУП у студзені-верасні склаў 104,5 працэнта. "Гэта вышэй за прагнозныя і сярэднесусветныя паказчыкі. Традыцыйны лідар - прамысловасць - прадаўжае працаваць з высокімі тэмпамі - 106,4 працэнта. Істотна павялічаны выпуск легкавых аўтамабіляў, грузавікоў, аўтобусаў, вагонаў, матацыклаў, будматэрыялаў і г.д. Пры гэтым вырабленая прадукцыя шырока запатрабавана: узровень запасаў па-ранейшаму на 10-гадовым мінімуме", - адзначылі ў Мінэканомікі.

Рознічны тавараабарот дэманструе высокі тэмп - 111,8 працэнта, што звязана з апераджальным ростам рэальных даходаў насельніцтва (109,7 працэнта), а таксама стрыманым ростам індэкса спажывецкіх цэн (106 працэнтаў).

Значны ўклад у дынаміку ўносяць будаўніцтва (108,9 працэнта), транспарт (105,9 працэнта) і сельская гаспадарка (105,1 працэнта). Прадаўжаецца аднаўленне IT-сферы: у ліпені выйшлі з адмоўнай зоны, за студзень - верасень тэмп росту склаў 100,7 працэнта.

З істотным апярэджаннем прагнозу растуць інвестыцыі ў асноўны капітал - за 8 месяцаў плюс 7,1 працэнта.

Экспарт тавараў і паслуг прадаўжае аднаўляцца. У студзені - жніўні 2024 года тэмпы росту паскорыліся да 104,8 працэнта, а вартасны аб`ём экспарту перасягнуў $32 млрд. Экспарт тавараў склаў $26,3 млрд. Асноўны драйвер росту - прадуктовыя тавары, экспарт якіх вырас на 15,7 працэнта.

Беларусь прадаўжае нарошчваць пастаўкі на рынкі дружалюбных краін, у краіны Азіі (на 7,5 працэнта) і Афрыку (у 4 разы).

Эфектыўная работа эканомікі дае магчымасць забяспечваць высокі ўзровень сярэдняй заработнай платы: у студзені-жніўні яна практычна дасягнула Br2200. Рэальны рост пенсій па ўзросце перасягнуў 10 працэнтаў.

17 кастрычніка 2024, Мінск
БЕЛТА