Указ "Аб удасканаленні пенсійнага забеспячэння" прыняты 11 красавіка бягучага года, ім прадугледжваецца з 1 студзеня 2017 года паэтапнае штогадовае павышэнне на 6 месяцаў агульнаўстаноўленага пенсійнага ўзросту да дасягнення мужчынамі 63 гадоў, жанчынамі - 58 гадоў.

"Пытанне аб далейшым павышэнні пенсійнага ўзросту не разглядаецца", - сказаў намеснік міністра. Намеснік начальніка галоўнага ўпраўлення - начальнік аддзела першаснай медыцынскай дапамогі Міністэрства аховы здароўя Людміла Жылевіч растлумачыла, што адносна далейшага павышэння пенсійнага ўзросту даследаванняў не праводзілася.

На ўліку ў органах па працы, занятасці і сацабароне знаходзіцца 2 605,6 тыс. пенсіянераў, з іх 82 працэнты - атрымальнікі пенсій па ўзросце.

28 верасня 2016, Мінск
Алена Прус - БЕЛТА