Дакумент прадугледжвае магчымасць ажыццяўлення рэгулярнага абмену інфармацыяй па пытаннях рэалізацыі манетарнай палітыкі, функцыянавання фінансавых сістэм дзвюх краін, а таксама арганізацыю семінараў, навучальных візітаў, экспертных паездак у мэтах абмену вопытам і кансультацый экспертаў па актуальных пытаннях дзейнасці цэнтральных банкаў Беларусі і Латвіі.

Мемарандум быў падпісаны 14 ліпеня на перамовах старшыні праўлення Нацбанка Паўла Калаура з кіраўніком Банка Латвіі Ілмарам Рымшэвічам.

У ходзе перамоў бакі таксама абмяняліся інфармацыяй аб выніках сацыяльна-эканамічнага развіцця Рэспублікі Беларусь і Латвійскай Рэспублікі, характарыстыках развіцця банкаўскіх сістэм, актуальных пытаннях і асаблівасцях рэалізацыі грашова-крэдытнай палітыкі цэнтральнымі банкамі дзвюх краін.

Аляксей Арэшка, БелаПАН
Мінск, 15 ліпеня 2016