Рэспубліканскі бюджэт Беларусі ў студзені выкананы з прафіцытам у памеры Br5,1 трлн, або 6,9 працэнта да ВУП.

Даходы бюджэту сектара дзяржаўнага кіравання за студзень 2016 года склаліся ў суме Br31,2 трлн, або 7,6 працэнта зацверджанага гадавога плана, даходы рэспубліканскага бюджэту - Br14,6 трлн (8,1 працэнта).

Расходы бюджэту сектара дзяржкіравання за студзень 2016 года склалі Br25,7 трлн, або 6,6 працэнта.

Расходы рэспубліканскага бюджэту - Br9,5 трлн (5,8 працэнта).

За студзень 2016 года паступленне ПДВ склала Br10,7 трлн, або 12,7 працэнта зацверджанага гадавога плана.

Падатку на прыбытак паступіла Br250,9 млрд (1,1 працэнта), акцызаў - Br1,6 трлн (7,7 працэнта).

Даходы ад знешнеэканамічнай дзейнасці склалі 2,1 трлн, або 5 працэнтаў зацверджанага гадавога плана.

Паступленні ў Фонд сацыяльнай абароны насельніцтва склаліся ў суме Br8,9 трлн (7,2 працэнта), Фонд універсальнага абслугоўвання - Br56,4 млрд, Фонд грамадзянскай авіяцыі - Br4,5 млрд.

Па стане на 1 лютага 2016 года запазычанасць па падатках і зборах склала Br1,5 трлн.

3 сакавіка 2016, Мінск
БЕЛТА