Золатавалютныя рэзервы (ЗВР) Беларусі склалі 7 973,5 млн долараў у эквіваленце, паведамляе Нацбанк.

Для параўнання: на 1 ліпеня 2023 года ЗВР былі роўныя 7 791,5 мільёна долараў.

Пры гэтым пасля доўгага перапынку Нацбанк пачаў публікаваць дэталізаваныя даныя па рэзервах. У прыватнасці, зараз вядома доля манетарнага золата. Са снежня мінулага года яна перавышае 3 млрд долараў.

На 1 жніўня сума манетарнага золата склала каля 3,4 млрд долараў, павялічыўшыся да паказчыка на пачатак ліпеня больш чым на 100 млн долараў. Гэта адбылося на фоне скачкападобнага росту сусветных цэн на золата, які назіраўся прыкладна з 10 ліпеня.

У апошнія дні ліпеня цэны пачалі зніжацца. Акрамя таго, адной з прычын росту ЗВР у цэлым можа быць скупка валюты рэгулятарам на біржы.

Начальнік галоўнага ўпраўлення манетарнай палітыкі і эканамічнага аналізу Нацбанка Дзмітрый Мурын расказаў аб гэтым на нядаўнім пасяджэнні праўлення.

"Невялікая чыстая прапанова, якая сфарміравалася, дазволіла Нацыянальнаму банку купіць замежную валюту для падтрымання золатавалютных рэзерваў", - растлумачыў Мурын.

Па планах Нацбанка і ўрада, на канец гэтага года сума золатавалютных рэзерваў не павінна быць меншай за шэсць мільярдаў долараў, і пакуль што гэта выконваецца.

Мінск, 12 жнўня 2023
Sputnik