"Думаю, што мы ўрэгулюем сітуацыю да ўступлення рашэння ў сілу. Будуць праводзіцца кансультацыі. Такая сітуацыя год таму ўзнікала, і рашэнні адмянялі, - адзначыў Генадзь Свідзерскі. - Гэта неразумна - выбудоўваць бар`еры. Гэта не ў інтарэсах ні Беларусі, ні Украіны".

Паводле слоў старшыні Саюза некамерцыйных арганізацый Канфедэрацыі прамыслоўцаў і прадпрымальнікаў (наймальнікаў) Беларусі, старшыні Прэзідыума Дзелавога савета ЕАЭС Анатоля Харлапа, за апошнія дваццаць гадоў у адносінах з Украінай былі сітуацыі, калі краіны спрабавалі абараніць сваіх вытворцаў з дапамогай пратэкцыянізму.

"Але потым мы знаходзілі агульны падыход, кампраміс. Думаю, тут мы зможам з улікам кантактаў, якія існуюць паміж урадамі Беларусі і Украіны, эканамічнымі блокамі, вырашыць гэтыя праблемы", - сказаў ён.

Украіна аб`явіла аб увядзенні спецпошлін у памеры 39,2 працэнта на імпарт асобных беларускіх тавараў з 20 студзеня 2016 года.

26 лістапада 2015, Мінск
Юлія Огнева - БЕЛТА