"Я спакойна стаўлюся да таго, што Украіна хоча пакаштаваць еўрасаюзаўскага хлеба, — сказаў ён. — Калі ласка! Але ці зможаце потым за гэта несці адказнасць? Я намякаю на тое, ці зможаце вы канкурыраваць у Еўрапейскім саюзе. Як паказваюць вось гэтыя моманты, Еўрасаюз вам адкрыў зону свабоднага гандлю. Ну і што вы прадалі ў Еўрапейскім саюзе? Не так проста выйсці на еўрапейскі рынак".

Лукашэнка адзначыў, што Беларусь спрабавала выйсці на еўрапейскі рынак з прадукцыяй сельгасперапрацоўкі і некаторыя прадпрыемствы змаглі гэта зрабіць. "Але я ведаю, чаго нам гэта каштавала і колькіх гадоў, толькі па адным з кірункаў. А ўсё астатняе, што мы з Украінай вырабляем, у Еўрапейскім саюзе ёсць, і туды не проста будзе прарвацца не толькі з-за канкурэнцыі, але і з-за тарыфных мер абароны еўрапейскага рынку", — сказаў ён.

Паводле яго слоў, Расія ўжо супакоілася, убачыўшы, наколькі Украіна і ЕС прасунуліся ў зоне свабоднага гандлю.

"Вы выбралі свой шлях, — сказаў Лукашэнка, звяртаючыся да ўкраінскай журналісткі. — Мы яго паважаем. Мы будзем прыстасоўвацца да таго, якую палітыку вы праводзіце і якім курсам будзеце кіравацца. Мы ні ў якім выпадку крытыкаваць вас не будзем, калі гэта не тычыцца нас, мы не будзем процідзейнічаць гэтаму ніколі, таму што мы родныя".

Таццяна Каравянкова, БелаПАН
Мінск, 11 кастрычніка 2015