Кіраўнік ведамства адзначыў, што "калі бяспека прадукцыі - абавязковае патрабаванне дзяржавы, рэалізуемае тэхрэгламентамі, то ўкараненне сістэмы менеджменту якасці - адзін са стратэгічных падыходаў кіраўніцтва прадпрыемства з мэтай павышэння канкурэнтаздольнасці прадукцыі".

"Мінулы год паказаў, што цэнавая канкурэнцыя пры пастаянных ваганнях валют адышла на другі план, а пытанні якасці сталі прэваліраваць. Каб утрымацца на рынку, трэба сур`ёзна займацца пытаннямі павышэння якасці", - сказаў ён.

На мерапрыемстве больш як 30 прадпрыемстваў Гомельскай вобласці - лаўрэаты конкурсаў "Лепшыя тавары Рэспублікі Беларусь" і "Лепшыя тавары Рэспублікі Беларусь на рынку Расійскай Федэрацыі" - па выніках мінулага года атрымалі дыпломы. Сярод іх ААТ "Мазырскі нафтаперапрацоўчы завод", ААТ "БМЗ" - кіруючая кампанія холдынга "БМК", ААТ "Гомсельмаш", ААТ "СветлагорскХімвалакно", ААТ "Рэчыцкі метызны завод", ААТ "Гомельскі мясакамбінат", ААТ "Тураўскі малочны камбінат", ААТ "Спартак", ААТ "Гомельскі хімічны завод" і інш.

"У краіне штогод праводзяцца конкурсы рознага ўзроўню і накіраванасці. Яны даюць магчымасць ацаніць уклад кіраўнікоў і спецыялістаў у вырашэнне пытанняў павышэння якасці, удасканалення прадукцыі, укаранення новых тэхналогій. Гомельшчына заўсёды была дастойна прадстаўлена на такіх конкурсах", - падкрэсліў Віктар Назаранка.

У ходзе рэгіянальнага Дня якасці, у якім таксама прынялі ўдзел намеснік старшыні Гомельскага аблвыканкама Баляслаў Пірштук, кіраўнікі і спецыялісты Гомельскага і Калінкавіцкага цэнтраў стандартызацыі, метралогіі і сертыфікацыі, былі падведзены вынікі работы за 2014 год і вызначаны задачы па павышэнні якасці і канкурэнтаздольнасці прадукцыі на 2015 год.

БЕЛТА, 17 красавіка 2015