"Выхад Банка развіцця на знешнія рынкі капіталу з рэалізацыяй праектаў па выпуску ўласных даўгавых каштоўных капіталаў разглядаецца як адна з крыніц прыцягнення доўгатэрміновых і адносна танных валютных рэсурсаў, неабходных для крэдытавання маштабных інвестыцыйных праектаў і фінансавай падтрымкі беларускага экспарту", - адзначыў Сяргей Румас.

Паводле яго слоў, вынікі сустрэчы з прадстаўнікамі інвестыцыйных кампаній паказалі, што палітычная, сацыяльная і эканамічная стабільнасць Беларусі абумоўлівае высокі попыт на суверэнныя еўрааблігацыі і ў перспектыве еўрааблігацыі Банка развіцця. "Мы пачалі падрыхтоўчую работу ў гэтым напрамку, аднак тэрміны выпуску еўрааблігацый Банка развіцця будуць залежаць ад сітуацыі на рынку і часу размяшчэння суверэнных еўрааблігацый, што абумоўлена жаданнем не ствараць канкурэнцыю каштоўным паперам урада", - падкрэсліў Сяргей Румас. Наконт сумы пазыкі ён адзначыў, што размяшчаць менш як $500 млн немэтазгодна.

Сяргей Румас таксама паведаміў, што інвестары прапанавалі беларускаму ўраду разгледзець магчымасці арганізацыі клубных здзелак, якія можна правесці ў больш кароткія тэрміны, а таксама прыватных размяшчэнняў. "Сёння ўсе гэтыя прапановы аналізуюцца ва ўрадзе, у Міністэрстве фінансаў. У бліжэйшы час рашэнне будзе прынята", - канстатаваў старшыня праўлення Банка развіцця.

17 лістапада 2014, Мінск
Юлія Дылянок - БЕЛТА