Кіраўнік дзяржавы звярнуў увагу, што сярод краін далёкай дугі галоўным стратэгічным партнёрам Беларусі застаецца Кітай.

«Кітай для нас сёння — гэта пункт апоры ва ўсім велізарным Азіяцкім рэгіёне, — заявіў Аляксандр Лукашэнка. — Гатоўнасць да супрацоўніцтва ў кітайцаў каласальная. Па выніках нядаўняга візіту ў Пекін заключаны амаль 40 кантрактаў на $3,5 млрд. Цяпер не прапусціце час з-за бясконцых прапрацовак і ўзгадненняў. Чытай — валакіты».

«Мы павінны не толькі нарасціць таварны паток, але і ўзяць тэхналогіі, стварыць у сябе перадавыя вытворчасці. Трэба выжаць максімум і аднавіць актыўнасць кітайскіх бізнесменаў на нашай тэрыторыі, павялічыць у некалькі разоў кітайскія інвестыцыі. Цікавасць да Беларусі ў Паднябеснай велізарная», — падкрэсліў Прэзідэнт.

Звязда, 10 сакавіка 2023