Паводле вынікаў 2011 года Расія і Беларусь могуць дасягнуць аб`ёму двухбаковага тавараабароту ў 40 мільярдаў долараў, заявіў Дзмітрый Мядзведзеў на пасяджэнні Вышэйшага дзяржсавета (ВДС) Саюзнай дзяржавы 25 лістапада.
Ён адзначыў, што аб`ём тавараабароту Расіі і Беларусі ў 2010 годзе павялічыўся на 18,9% і дасягнуў 27,9 мільярда долараў. "У нас ужо ёсць добрыя паказчыкі. Сёлета вельмі дынамічны рост тавараабароту — больш як на 40% за дзевяць месяцаў гэтага года. Гэта вынік сумеснай дзейнасці. З такімі тэмпамі да канца года мы можам выйсці на адзнаку амаль у 40 мільярдаў долараў", — сказаў Мядзведзеў.
Прэзідэнт РФ падкрэсліў, што паводле вынікаў пасяджэння трэба падпісаць важкі пакет дакументаў, у тым ліку ў паліўна-энергетычнай сферы.
"Разлічваю, што яны дазволяць не толькі забяспечыць рост попыту беларускіх спажыўцоў энергасыравіны, але і ўмацаваць энергабяспеку нашых суседзяў, надаць сур`ёзны дадатковы імпульс гандлёва-эканамічнаму супрацоўніцтву", — заявіў расійскі лідар.
БелаПАН
Мінск, 25 лістапада 2011
Прэзідэнт РФ падкрэсліў, што паводле вынікаў пасяджэння трэба падпісаць важкі пакет дакументаў, у тым ліку ў паліўна-энергетычнай сферы.
"Разлічваю, што яны дазволяць не толькі забяспечыць рост попыту беларускіх спажыўцоў энергасыравіны, але і ўмацаваць энергабяспеку нашых суседзяў, надаць сур`ёзны дадатковы імпульс гандлёва-эканамічнаму супрацоўніцтву", — заявіў расійскі лідар.
БелаПАН
Мінск, 25 лістапада 2011
Ссылка на текущий документ: http://belarus.kz/aktueller/10-402/218/10746
Текущая дата: 16.11.2024