Еўра, кітайскі юань і долар сталі даражэйшымі, расійскі рубель патаннеў па выніках таргоў у аўторак, сведчаць звесткі Беларускай валютна-фондавай біржы.

Долар вырас у кошце ў аўторак на 0,74% і каштуе зараз 2,59 беларускіх рубля за адну адзінку.

Еўра падаражэў на 0,56%, прыскокнуўшы да 2,62 рублёў.

Расійскі рубель, у сваю чаргу, упаў на 0,73%, 100 адзінак абыдуцца пакупніку ў 4,58 беларускага рубля.

Юань дадаў у кошце на 0,26%, пакупніку за 10 "кітайцаў" давядзецца аддаць на біржы 3,83 беларускіх рублі.

Пры куплі валюты яе курс лепш загадзя ўдакладняць у банку, бо адзін з галоўных фактараў пры фарміраванні курсу – гэта попыт, а ён можа мяняцца на працягу дня і ў выхадныя.

Сярэдняя намінальная налічаная заработная плата па краіне за чэрвень гэтага года склала 1626,5 рублёў. У параўнанні з мінулым годам, яна вырасла на 8% і стала на 3% больш, чым месяцам раней (у траўні – 1573,4 руб.). Па цяперашнім курсе Нацбанка, гэта складае 645 долараў.

Традыцыйна самая высокая заработная плата ў IT, у чэрвені яна склала 4930 рублёў. У прамысловасці сярэдняя лата складае 1 693,3 рубля, у будаўніцтве – 1 689,3, медыкі атрымліваюць у сярэднім 1 325,8, работнікі сельскай, лясной і рыбнай гаспадаркі – па 1 253,2 рубля.

Мінск, 26 ліпеня 2022
Sputnik