«Тое, што ў Расіі долар слабеў вельмі моцна, — гэта аб’ектыўны працэс. У расійскай эканоміцы пайшлі дыскусіі, што рубель не павінен быць празмерна моцным ці слабым. Таму сталі прымаць меры, каб прывесці абменны курс у адпаведнасць парытэту пакупніцкай здольнасці, якая склалася на дадзены момант. Беларусь таксама вынікала гэтаму трэнду. Рынак ёсць рынак, і ён дыктуе свае ўмовы. Гэта нармальныя працэсы, якія ідуць за аб’ектыўнымі тэндэнцыямі развіцця беларускай эканомікі», — сказаў Валерый Байнеў.

Па яго словах, рэсурсы пераразмяркоўваюцца такім чынам, што камусьці гэта выгадна, а камусьці не. «Да прыкладу, прамысловым прадпрыемствам-экспарцёрам гэта можа быць выгадна, а турыстам — не. У нас ёсць Народна-гаспадарчыя задачы — гэта сістэмаўтваральны касцяк беларускіх прадпрыемстваў», — падкрэсліў эканаміст.

Беларусі неабходна спраўляцца з вонкавымі пагрозамі, а для гэтага неабходна думаць пра дзяржаву ў цэлым, лічыць эканаміст.

«Праціўнік у нас сур’ёзны, і ён не хавае, што хоча наш „карабель“ ўтапіць. Таму тыя захады, якія робіць Нацбанк, — клопат не пра якіясь прыватныя інтарэсы. Наша задача — не дапусціць, каб наш эканамічны „карабель“ патануў у гэты шторм. З пункту гледжання агульнанацыянальных інтарэсаў працэсы выбудаваныя правільна», — рэзюмаваў эксперт.

Звязда, 8 ліпеня 2022