"Разгорнута маштабная работа па падтрымцы арганізацый, якія пацярпелі ад крызісных з`яў у сусветнай эканоміцы. У рамках цэлага пакета ўказаў прадастаўлены падатковыя льготы і прэферэнцыі каля 47 тыс. суб`ектам гаспадарання і індывідуальным прадпрымальнікам на агульную суму больш за Br34 млн. Прынята амаль 8 тыс. рашэнняў аб прадастаўленні арэндных канікулаў, аб`ём падтрымкі склаў больш за Br30 млн", - адзначыў Раман Галоўчанка. Дзяржбанкі пракрэдытавалі пад гарантыі ўрада больш за 50 прадпрыемстваў на суму каля Br700 млн, пад гарантыі мясцовых органаў улады - амаль на Br100 млн.

Стымулюючыя выплаты работнікам аховы здароўя і сацабслугоўвання за работу ва ўмовах COVID-19 склалі Br325 млн.

Паводле слоў кіраўніка ўрада, дзякуючы скаардынаваным дзеянням урада, Нацыянальнага банка, іншых структур падтрымліваецца макраэканамічная і фінансавая стабільнасць, своечасова і ў поўным аб`ёме выконваюцца знешнія і ўнутраныя абавязацельствы дзяржавы.

"Пацярпеўшы няўдачу ў спробе палітычнага бліцкрыгу, пэўныя сілы не пакідаюць спроб расхістаць эканоміку краіны, у тым ліку праз сацыяльныя сеткі, Telegram-каналы. Перад новым складам урада кіраўніком дзяржавы пастаўлены задачы, галоўная з якіх - не дапусціць спаду эканомікі. Гэта задача выканальная толькі пры адпаведным парадку, кіруемасці ва ўсіх сферах дзейнасці. І яна выконваецца", - сказаў Раман Галоўчанка.

2 кастрычніка 2020, Мінск
БЕЛТА