"СААЗ заўсёды гаварыла аб тым, што ўсе меры, якія датычацца падарожжаў, павінны ўкараняцца з іншымі спадарожнымі мерамі, - падкрэсліў ён. - Гэтак жа мыццё рук або нашэнне маскі самі па сабе не будуць эфектыўнымі. Размова ідзе пра цэлы комплекс мер".

"Што датычыцца бягучай сітуацыі, то трэба разумець, што вірус усюды, і калі ў яго будзе магчымасць, ён будзе перамяшчацца, - прадоўжыў эксперт. - Таксама трэба разумець тыя дадатковыя рызыкі, да якіх прывядзе адкрыццё граніц, і кіраваць гэтымі рызыкамі".

Майкл Раян выказаў упэўненасць, што краіны не змогуць трымаць свае граніцы закрытымі. Эканоміка павінна прадаўжаць работу, перамяшчэнне людзей, тавараў і паслуг. Але гэта трэба рабіць так, каб мінімізаваць рызыкі.

На думку Майкла Раяна, сусветная грамадскасць можа сутыкнуцца з сітуацыяй, калі граніцы будуць то адкрывацца, то зноў закрывацца.

"Поўнае закрыццё міжнародных граніц не з`яўляецца ўстойлівай стратэгіяй для аднаўлення сусветнай эканомікі, - адзначыў ён. - Адзінага рашэння тут не існуе, але ў гэтых адносінах важна дабіцца прагрэсу, прычым прагрэсу, які ўлічваў бы ўсе рызыкі".

Раней генеральны дырэктар СААЗ Тэдрас Гебрэесус аб`явіў, што арганізацыя на гэтым тыдні скліча пасяджэнне камітэта па надзвычайных сітуацыях для новай ацэнкі пандэміі COVID-19 і атрымання належных рэкамендацый.

27 ліпеня 2020, Мінск
БЕЛТА