"Апошнія даныя паказваюць, што колькасць афіцыйна зарэгістраваных беспрацоўных у Расіі павялічваецца, тут няма нічога для нас нечаканага і цяпер гэта колькасць амаль 1 млн 900 тыс. чалавек", - сказаў расійскі лідар.

Уладзімір Пуцін назваў пытанне аб рынку працы адным з важнейшых у цяперашняй сітуацыі. "Эпідэмія каранавіруса і звязаныя з ёй абмежаванні негатыўна паўплывалі на эканоміку ўсіх краін свету, усіх без выключэння: знізіўся попыт, знізілася дзелавая актыўнасць, замарожаны многія кааперацыйныя сувязі і інвестыцыйныя планы", - пералічыў праблемы прэзідэнт РФ.

Ён адзначыў, што ўсё гэта ўплывае і на айчынныя прадпрыемствы, калі яны не могуць атрымаць камплектуючыя.

Прэзідэнт РФ запатрабаваў ад урада і кіраўнікоў рэгіёнаў ставіцца да праблемы беспрацоўя з максімальнай увагай, папярэдзіўшы, што на першым месцы заўсёды павінны быць людзі.

27 мая 2020, Мінск
БЕЛТА