Як заявілі ў камітэце, гэтыя тэхналогіі "апрабаваныя і добра зарэкамендавалі сябе на вытворчых магутнасцях кампаніі Centra ў Польшчы, TAB (Славенія) і іншых буйных вытворцаў акумулятарных батарэй з краін ЕС".

Шумілін сустрэўся з кіраўніцтвам і працоўным калектывам ТАА "АйПаўэр". Абмяркоўваліся пытанні рэалізацыі праекта і яго экалагічнай бяспекі.

"Пры распрацоўцы праекта будаўніцтва акумулятарнага завода былі ўлічаныя ўсе патрабаванні прыродаахоўнага заканадаўства па выкіду забруджвальных рэчываў у навакольнае асяроддзе і патрабаванні па адвядзенні сцёкавых вод. Таксама прадугледжаная арганізацыя лакальнага маніторынгу на аб`екце, уключаючы: крыніцы выкідаў свінцу ў атмасфернае паветра; землі (уключаючы глебы) у раёне размяшчэння завода (утрыманне свінцу)", — сцвярджаюць у ДКНТ.

"Пры правядзенні дзяржаўнай экалагічнай экспертызы ўстаноўлена, што прадстаўленыя рашэнні, якія змяшчаюцца ў будаўнічым праекце, адпавядаюць усім патрабаванням нарматыўных прававых актаў і тэхнічных нарматыўных прававых актаў у галіне аховы навакольнага асяроддзя і рацыянальнага выкарыстання прыродных рэсурсаў", — падкрэсліваецца ў рэлізе.

Паведамляецца, што ў сувязі з занепакоенасцю па пытанні ўздзеяння дзейнасці завода на навакольнае асяроддзе жыхароў Брэста і раёна былі прыцягнутыя навукоўцы, якія далі каментары па сутнасці будаўніцтва.

"Таксама па ініцыятыве ТАА" АйПаўэр" адміністрацыя СЭЗ ініцыявала правядзенне дадатковага незалежнага маніторынгу па ўздзеянні прадпрыемстваў СЭЗ, на забруджванне глебаў і расліннага свету цяжкімі металамі. На выкананне дадатковага незалежнага маніторынгу заключаны дагавор з ДНУ "Палескі аграрна-экалагічны інстытут НАН Беларусі", які будзе рабіць кантроль стану глеб і расліннага свету на прысутнасць цяжкіх металаў на працягу 5 гадоў пасля ўводу ў эксплуатацыю завода", — праінфармавалі ў дзяржкамітэце.

Пратэсты грамадскасці, выкліканыя будаўніцтвам акумулятарнага завода ў Брэсце, працягваюцца з лютага. 29 красавіка ў абласным цэнтры прайшоў санкцыянаваны мітынг супраць узвядзення аб`екта, які сабраў каля дзвюх тысяч чалавек. Аб`ект ўзводзіць ТАА "АйПаўэр".

Апошняя акцыя прайшла на гарадской плошчы Леніна 22 ліпеня і сабрала каля 60 удзельнікаў.

Аляксей Аляксандраў, БелаПАН
Мінск, 27 ліпеня 2018