Знешні дзяржаўны доўг Беларусі на 1 жніўня склаў $15,6 млрд, павялічыўшыся з пачатку года на $2 млрд, або на 14,3 працэнта (з улікам курсавых розніц).

У студзені-ліпені былі прыцягнуты знешнія дзяржаўныя пазыкі на $2,572 млрд, у тым ліку $1,4 млрд - еўрааблігацый, $600 млн - Еўразійскага фонду стабілізацыі і развіцця, $300,4 млн - урада і банкаў Расійскай Федэрацыі, $176,6 млн - банкаў КНР, $92,6 млн - МБРР, $2,9 млн - ЕБРР і Паўночнага інвестыцыйнага банка (ПІБ).

Пагашэнне знешняга дзяржаўнага доўгу з пачатку года склала $653 млн, з якіх $226,8 млн - ураду Расійскай Федэрацыі, $176,6 млн - ЕФСР, $217,5 млн - банкам КНР, $31,2 млн - МБРР, $0,7 млн - ЗША, $0,2 млн - ЕБРР і ПІБ.

Дзяржаўны доўг Беларусі на 1 жніўня склаў Br39,8 млрд і павялічыўся ў параўнанні з пачаткам 2017 года на Br2,8 млрд, або на 7,6 працэнта. Унутраны дзяржаўны доўг склаў Br9,5 млрд, зменшыўшыся з пачатку года на Br0,7 млрд (з улікам курсавых розніц), або на 7 працэнтаў.

За студзень-ліпень размешчана ўнутраных валютных дзяржаўных аблігацый для юрыдычных і фізічных асоб на $406,7 млн. Пагашана валютных і рублёвых дзяржаўных аблігацый для юрыдычных і фізічных асоб на $897,9 млн і Br120,5 млн.