Такім чынам, за год адмоўнае сальда павялічылася на 833,5 млн долараў.

Знешнегандлёвы абарот сталіцы за шэсць месяцаў гэтага года склаў 10 млрд 945,2 млн долараў, да ўзроўню студзеня—чэрвеня 2016 года ён вырас на 22,2% у бягучых цэнах. Экспарт тавараў склаў 4 млрд 820,1 млн (на 13,6% больш), імпарт — 6 млрд 125,1 млн долараў (на 29,9% больш).

Знешнегандлёвы абарот з краінамі ЕАЭС за студзень—чэрвень 2017 года склаў 4 млрд 719,5 млн долараў, што на 31,7% больш, чым за студзень—чэрвень 2016 года. Экспарт вырас на 34% да 1 млрд 573,1 млн, імпарт — на 30,5% да 3 млрд 146,4 млн. У гандлі з краінамі ЕАЭС сальда было адмоўным у памеры 1 млрд 573,3 млн долараў (у студзені—чэрвені 2016 года — мінус 1 млрд 236,7 млн).

Тавараабарот з Расіяй, паводле дадзеных афіцыйнай статыстыкі, за шэсць месяцаў 2017 года склаў 4 млрд 607,2 млн долараў (павелічэнне да ўзроўню студзеня—чэрвеня 2016 года — 30,6%), у тым ліку экспарт — 1 млрд 492,6 млн (на 32,4% больш), імпарт — 3 млрд 114,6 млн (на 29,8% больш). Адмоўнае сальда ў гандлі з Расіяй склала 1 млрд 662 млн долараў (у студзені—чэрвені 2016 года — мінус 1 млрд 272,7 млн).

Знешнегандлёвы абарот з краінамі Еўрасаюза за студзень—чэрвень 2017 года склаў 3 млрд 40,3 млн долараў і павялічыўся да ўзроўню студзеня—чэрвеня 2016 года на 6,8%. Экспарт тавараў склаўся на ўзроўні 1 млрд 842,2 млн долараў, павялічыўшыся на 1,4%, імпарт — 1 млрд 198,1 млн (на 16,3% больш). Сальда ў гандлі з краінамі ЕС было станоўчым і склала 644,1 млн долараў супраць 786,7 млн у студзені—чэрвені 2016 года.

У краіны па-за СНД экспарт у студзені—чэрвені вырас таксама на 2,1% і склаў 2 млрд 80,3 млн долараў, імпарт — вырас на 30,5% да 2 млрд 692,8 млн долараў. У цэлым тавараабарот вырас на 16,4% да 4 млрд 773,1 млн долараў, а сальда было адмоўным у 612,5 млн супраць адмоўнага ў 25,6 млн у студзені—чэрвені мінулага года.

Адмоўнае знешнегандлёвае сальда Мінска абумоўлена размяшчэннем кампаній-імпарцёраў, заявіў 31 мая на прэс-канферэнцыі старшыня камітэта эканомікі Мінгарвыканкама Мікалай Рагашчук.

"Напрыклад, "Еўрагандаль" (сетка магазінаў "Еўраопт"), увесь яго імпарт паступае ў сталіцу, а потым размяркоўваецца па ўсёй краіне. У Мінску зарэгістраваныя кампаніі, якія закупляюць увесь газ і нафту. Уся статыстыка ідзе па горадзе Мінску, калі ў іншых абласцях такога няма. Сталіца — асноўны імпарцёр усёй краіны. У вобласці ідзе тое, што закуплена Мінскам. Яны ганарацца станоўчым сальда, але не тлумачаць, чаму яно ў іх складваецца. Мы імкнемся скараціць адмоўнае сальда і да гэтага ідзем", — адзначыў Рагашчук.

Ён паведаміў, што перад Мінгарвыканкамам пастаўлена задача па павелічэнні экспарту тавараў у гэтым годзе на 12%.

Марына Носава, БелаПАН
Мінск, 3 жніўня 2017