Адпаведнае рашэнне замацавана пастановай Савета Міністраў ад 17 лютага 2017 года нумар 146, паведамілі ў прэс-службе ўрада.

Дакумент уносіць змяненні ў пастанову Савета Міністраў ад 16 чэрвеня 2004 года нумар 714 "Аб мерах па развіцці біржавога гандлю на таварных біржах", у прыватнасці, пашыраецца выкарыстанне механізма біржавых таргоў пры рэалізацыі на экспарт збожжа і прадуктаў яго перапрацоўкі.

Пастановай дапоўнены пералік тавараў, здзелкі з якімі юрыдычныя асобы і індывідуальныя прадпрымальнікі абавязаны заключаць толькі па выніках біржавых таргоў ААТ "Беларуская ўніверсальная таварная біржа", па пазіцыі "збожжа і прадукты яго перапрацоўкі".

"Прынятыя меры накіраваны на фарміраванне максімальна аб`ектыўнай цаны пры рэалізацыі прадукцыі на экспарт, стварэнне роўных умоў для ўсіх суб`ектаў гаспадарання пры экспарце збожжа.

Акрамя таго, гэта дасць магчымасць забяспечыць адкрытасць і празрыстасць здзелак, аператыўна рэагаваць на кан`юнктуру рынку, якая мяняецца, а таксама будзе садзейнічаць канкурэнцыі сярод пакупнікоў і атрыманню прадаўцамі дадатковай выручкі ад рэалізацыі прадукцыі", - адзначылі ў прэс-службе.

21 лютага 2017, Мінск
БЕЛТА