У студзені—лістападзе 2024 года прадоўжыўся рост аб’ёмаў знешняга гандлю Беларусі таварамі і паслугамі. За названы перыяд знешнегандлёвы абарот склаў $91 млрд, павялічыўшыся ў параўнанні са студзенем—лістападам 2023 года на 5,2 працэнта. 

У сферы паслуг знешнегандлёвы абарот за студзень—лістапад 2024 года вырас на 10,1 працэнта, да $14,6 млрд. Экспарт паслуг за гэты перыяд павялічыўся на 11,8 працэнта і дасягнуў $8,8 млрд, што больш як у 1,5 раза перавысіла аб’ём іх імпарту ($5,8 млрд). У выніку сальда знешняга гандлю паслугамі склалася дадатным у памеры $3 млрд, павялічыўшыся на 21,2 працэнта ў параўнанні са студзенем—лістападам 2023 года.

Знешнегандлёвы абарот тавараў у студзені—лістападзе 2024 года ў параўнанні з аналагічным перыядам папярэдняга года павялічыўся на 4,3 працэнта, склаўшы $76,5 млрд. Экспарт тавараў за 11 месяцаў 2024 года дасягнуў $36,4 млрд. Тэмпы прыросту імпарту тавараў (6,4 працэнта) па-ранейшаму апярэджвалі тэмпы прыросту іх экспарту (2,1 працэнта). Разам з тым у параўнанні са студзенем—кастрычнікам 2024 года ў студзені — лістападзе адзначалася зніжэнне інтэнсіўнасці тэмпаў прыросту імпарту. У цэлым за студзень—лістапад 2024 года адмоўнае сальда знешняга гандлю таварамі склала $3,7 млрд.

Рост дадатнага сальда знешняга гандлю паслугамі даў магчымасць часткова кампенсаваць дэфіцыт знешняга гандлю таварамі. Сальда знешняга гандлю таварамі і паслугамі ў студзені—лістападзе 2024 года склалася ў памеры мінус $0,7 млрд.

Звязда, 10 студзеня 2025