Экспарт драўніны ў краіны Еўрапейскага Саюза ў 2021 годзе склаў 3,2 мільярды долараў, заявіў журналістам пасля нарады ў Палацы незалежнасці віцэ-прэм`ер Юрый Назараў.

Паводле яго слоў, адчуваць ціск санкцый вельмі непрыемна, таму зараз неабходна перабудаваць таварныя патокі. Пры гэтым ёсць разуменне, што ЕС без беларускай драўніны не абыдзецца.

"Мы гатовы пераарыентаваць частку нашых патокаў на ўсход. Мы сёння паспяхова экспартуем і пілапрадукцыю, і плітную прадукцыю ў Кітайскую Народную Рэспубліку. Так, ёсць праблемы з лагістыкай. Еўропа заўсёды была больш маржынальным рынкам", - канстатаваў Юрый Назараў.

Пасля чаго выказаў упэўненасць, што Кітай набудзе прадукцыю беларускай дрэваапрацоўкі. Яна таксама можа сысці на экспарт у Азербайджан, Іран і краіны Сярэдняй Азіі, якія адчуваюць дэфіцыт драўніны.

"Проста трэба зараз спакойна пераарыентаваць тое, што не возьме Еўропа, і на гэтым зарабляць грошы", - лічыць віцэ-прэм`ер.

Як піша БелТА, айчынныя прадпрыемствы выпускаюць пліты, на якія былі зарыентаваны мэблевыя вытворчасці ў Польшчы. Нашы прадпрыемствы працавалі так, каб увайсці ў еўрапейскія гандлёвыя сеткі.

Мінск, 9 сакавіка 2022
Sputnik