Пастаянныя прадстаўнікі краін ЕС узгаднілі новыя абмежавальныя меры ў дачыненні да Беларусі, пра гэта паведамляе шэраг еўрапейскіх СМІ.

Дакумент прадугледжвае замарозку актываў і забарону на ўезд 78 грамадзянам Беларусі, таксама абмежаванні закрануць мінімум сем кампаній.

Чакаецца, што пасля працэдуры ўзгаднення 21 чэрвеня інфармацыю апублікуюць ў афіцыйным часопісе ЕС, і з гэтага моманту санкцыі ўступяць у законную сілу.

У пачатку лета Савет ЕС абвясціў, што ўводзіць забарону на выкарыстанне "Белавія" паветранай прасторы краін Еўрасаюза, а таксама на допуск беларускіх авіяперавозчыкаў да еўрапейскіх аэрапортаў.

"Далейшыя санкцыі супраць юрыдычных і фізічных асоб рушаць услед хутка", - заявіў пасля кіраўнік Еўрасавета Шарль Мішэль.

Адзначалася, што магчымыя абмежаванні будуць накіраваны на беларускіх міністраў і вышэйшае камандаванне ваенна-паветраных сіл Беларусі.

Акрамя таго, еўрачыноўнікі казалі пра кропкавыя і больш важкія меры ў дачыненні да эканомікі рэспублікі.

Новыя санкцыі сталі следствам вымушанай пасадкі 23 траўня самалёта Ryanair Афіны - Вільнюс. Лётчыкі прызямліліся ў аэрапорце Мінска пасля перададзенага паведамлення аб закладзенай бомбе, якое затым не пацвердзілася.

На борце лаўкоста знаходзіўся Раман Пратасевіч - экс-галоўрэд Telegram-канала Nexta, прызнанага ў Беларусі экстрэмісцкім. З ім была затрымана сяброўка, грамадзянка Расіі Сафія Сапега.

Пасля таго, што адбылося кіраўнік Еўракамісіі Урсула фон дэр Ляен заявіла пра гатоўнасць дапоўніць персанальныя санкцыі супраць беларускіх чыноўнікаў і вайскоўцаў.

Мінск, 16 чэрвеня 2021
Sputnik