Гэта прадугледжана пастановай Саўміна нумар 355 ад 19 чэрвеня 2020 года, якая 23 чэрвеня афіцыйна апублікавана на Нацыянальным прававым інтэрнэт-партале.
У ліку ўхваленых - праекты дагавораў урада Беларусі з таварыствамі з абмежаванай адказнасцю "А-лізінг", "Транспартная лізінгавая кампанія", "Цяжпрамлізінг", "Чэлябінская індустрыяльная лізінгавая кампанія" аб прадастаўленні ў Расіі беларускіх тавараў на ўмовах фінансавай арэнды (лізінгу). Саўмін таксама адобрыў праект дагавора з ТАА "Альфа-Лізінг Украіна" аб прадастаўленні беларускіх тавараў у лізінг ва Украіне. Акрамя таго, згодна з пастановай адобраны праект дагавора з Banca de Finante si Comert SA аб умовах выдачы крэдытаў для набыцця ў Малдове тавараў, вырабленых у Беларусі.
Банкам-агентам па выкананні ўмоў дагавораў з ТАА "А-лізінг" і ТАА "Альфа-Лізінг Украіна" вызначаны Белзнешэканамбанк, з ТАА "Транспартная лізінгавая кампанія" - БПБ-Ашчадбанк, з ТАА "Цяжпрамлізінг" і ТАА "Чэлябінская індустрыяльная лізінгавая кампанія" - Банк ВТБ (Беларусь), з Banca de Finante si Comert SA - Беларусбанк.
Міністэрствы прамысловасці і фінансаў упаўнаважаны на правядзенне перагавораў па праектах дагавораў з унясеннем пры неабходнасці змяненняў, якія не маюць прынцыповага характару, а таксама на падпісанне дагавораў пры дасягненні дамоўленасцей у межах адобраных праектаў.
Ссылка на текущий документ: http://belarus.kz/aktueller/10-408/31/54250
Текущая дата: 25.11.2024