Гэта абумоўлена, як адзначае Белстат, "неспрыяльнымі цэнавымі ўмовамі знешняга гандлю".

Памяншэнне ў студзені—маі 2014 года вартаснага аб`ёму экспарту тавараў абумоўлена падзеннем сярэдніх экспартных цэн, імпарту — як сярэдніх цэн, так і фізічных аб`ёмаў тавараў, якія ўвозяцца.

У параўнанні са студзенем—маем 2013 года сярэднія цэны экспарту знізіліся на 4,6%, імпарту — на 1,5%. Таварная маса экспарту павялічылася на 2,4%, імпарту — паменшылася на 5,4%.

Адбылося павелічэнне фізічных аб`ёмаў экспарту інвестыцыйных тавараў на 0,4%. Экспарт прамежкавых тавараў павялічыўся на 7,1%, у тым ліку энергетычных — знізіўся на 0,8%. Экспарт іншых прамежкавых тавараў павялічыўся на 16,6%.

Зніжэнне сярэдніх цэн экспарту назіралася ў групе інвестыцыйных тавараў на 6,3%, прамежкавых — на 5,9%, у тым ліку энергетычных — на 1,5%. Экспартныя цэны на спажывецкія тавары выраслі на 0,9%, але аб`ём знізіўся на 11,6%, у тым ліку на харчовыя адзначаны рост цэн на 4,2% і зніжэнне экспарту на 9,7%.

Марына Носава, БелаПАН
Мінск, 25 ліпеня 2014

Ссылка на текущий документ: http://belarus.kz/aktueller/10-408/75/26808

Текущая дата: 24.11.2024