У суседніх Расіі і Украіне цэны на малочную і мясную прадукцыю ў некалькі разоў вышэйшыя за беларускія. На думку Аляксандра Якабсона, гэта стала прычынай таго, што беларускія тавары масава скупляюцца прадпрымальнымі расіянамі і беларусамі і вывозяцца за межы краіны. Межаў, мытных перашкод на шляху гэтага "бізнэсу" няма. "З прадуктамі вывозіцца бюджэт краіны, паколькі вытворчасць малака і мяса ў краіне мае датацыі з бюджэту", — растлумачыў Аляксандр Якабсон.

На яго думку, рост цэн на асноўныя віды прадуктаў харчавання ў Беларусі і давядзенне іх да ўзроўню расійскіх непазбежны. "Людзям трэба разумець, у нас іншага шляху няма: неабходна выраўнаваць цэны да ўзроўню сумежных рэгіёнаў, аднак рыўкоў не павінна быць, паступова, па 3-5 працэнтаў у месяц", — сказаў Аляксандр Якабсон.

Разам з тым кіраўнік кантрольнага ведамства перакананы, што з ростам цэн павінны павышацца зарплаты. "Зарплата павінна расці пры ўмове, што кожны на сваім рабочым месцы добрасумленна выконвае свае абавязкі, павышае прадукцыйнасць, зніжае выдаткі", — падкрэсліў ён.

Звязда
12 жніўня 2011

Ссылка на текущий документ: http://belarus.kz/aktueller/10-408/83/8566

Текущая дата: 24.11.2024