Прэзідэнт Беларусі Аляксандр Лукашэнка заявіў аб неабходнасці нарошчваць тавараабарот з Кыргызстанам на сустрэчы з паслом гэтай краіны ў Беларусі Эрмекам Ібраімавым.
«Што датычыцца нашых адносін, вядома, дзесьці там у нас пад $170 млн тавараабарот за апошні год, але гэта паміж краінамі нішто. Мы з губернямі Расіі з многімі маем такі тавараабарот і значна вышэй. Таму з Кыргызстанам нам трэба павялічваць тавараабарот», — сказаў беларускі лідар.
Сустрэча з паслом Кыргызстана адбылася ў сувязі з завяршэннем яго дыпламатычнай місіі ў Беларусі, таму Аляксандр Лукашэнка адрасаваў яму асобную просьбу — не забываць пра Беларусь і на новай пасадзе садзейнічаць далейшаму развіццю супрацоўніцтва.
«Калі вы будзеце служыць далей у Міністэрстве замежных спраў Кыргызстана ці дзесьці будзеце працаваць, вы памятаеце пра гэта. Падкажыце, парайце», — сказаў кіраўнік дзяржавы.
«Калі вы будзеце служыць далей у Міністэрстве замежных спраў Кыргызстана ці дзесьці будзеце працаваць, вы памятаеце пра гэта. Падкажыце, парайце», — сказаў кіраўнік дзяржавы.
«Вельмі спадзяюся, што чатыры з паловай гады, якія вы працавалі ў Беларусі, будуць добрай прыступкай у вашай кар’еры. У жыцці ў вас гэты час застанецца назаўжды, гэта натуральна. Галоўнае, каб у вас былі добрыя ўспаміны пра нашу Беларусь. Мы людзі добразычлівыя. Такія, як кыргызы, дарэчы, гасцінныя. Таму вы будзеце добрым словам успамінаць праведзеныя ў Беларусі гады вашай дыпламатычнай службы. Мы вельмі спадзяемся, што дзе б вы ні працавалі ў будучыні, вы будзеце па-сапраўднаму нашым чалавекам, беларускім — будзеце прасоўваць інтарэсы Беларусі абавязкова ў інтарэсах Кыргызстана», — выказаў пажаданне Аляксандр Лукашэнка.
Звязда, 30 кастрычніка 2023
Ссылка на текущий документ: http://belarus.kz/aktueller/10-414/1/71358
Текущая дата: 08.09.2024