Казахстанскі лідар канстатаваў, што пандэмія, і, як вынік, эканамічны спад аказалі значны ўплыў на сусветнае развіццё і перапынілі працэс глабалізацыі.

Ён таксама звярнуў увагу на змяненне светагаспадарчага ўкладу. Няпростая сітуацыя ўзмацняецца гандлёва-эканамічнымі канфліктамі паміж буйнымі эканомікамі свету, і такім чынам сусветная супольнасць сутыкаецца з новымі, больш складанымі выклікамі і задачамі.

"Відавочна, што пандэмія выкрыла слабыя бакі сістэм аховы здароўя і эканомік на глабальным і краінавым узроўнях. З другога боку, яна надала імпульс інтэнсіўнаму развіццю асобных галін эканомікі - фармацэўтыкі, сферы медпаслуг, біяінжынерных і лічбавых тэхналогій", - сказаў Прэзідэнт Казахстана.

Паводле яго слоў, у гэтых новых умовах трэба будзе знайсці эфектыўнае рашэнне найбольш актуальнага пытання - як пераадолець наступствы эканамічнага крызісу і выйсці на шлях аднаўлення эканомікі.

21 мая 2021, Мінск
БЕЛТА