Як паведаміла афіцыйны прадстаўнік МУС Расіі Ірына Волк, у транспартную паліцыю паступіла паведамленне ад дыспетчара службы авіяцыйнай бяспекі аэрапорта Дамадзедава аб неабходнасці прыбыцця нараду паліцыі на борт паветранага судна, што прылятае рэйсам з Мінска.

"Мужчына распіваў спіртныя напоі, парушаў грамадскі парадак, а таксама заняў месца суседняга пасажыра. На просьбу грамадзяніна перасесці на сваё месца нанёс яму ўдар", — распавяла Волк.

Паводле яе слоў, супрацоўнікамі транспартнай паліцыі авіядэбашыр дастаўлены ў дзяжурную частку лінейнага ўпраўлення МУС Расіі ў аэрапорце Дамадзедава. Ім аказаўся 54-гадовы жыхар Маскоўскай вобласці. Цяпер па гэтым факце праводзіцца праверка.

БелаПАН
Мінск, 17 верасня 2018