Дарагія сябры!

Сардэчна віншую вас з прафесійным святам — Днём настаўніка.

Праца педагога — адна з самых важных і высакародных на Зямлі. Яе вынікі ў многім вызначаюць ход гісторыі і ўплываюць на лёсы пакаленняў. Місія настаўніка заключаецца не толькі ў перадачы ведаў, а перш за ўсё — у фарміраванні асобы вучня, выхаванні годных грамадзян і патрыётаў Айчыны.

Уражвальныя поспехі Рэспублікі Беларусь у прасоўванні па шляху сацыяльна-эканамічнага і навукова-тэхнічнага прагрэсу дасягнутыя ў многім дзякуючы высокай якасці айчыннай адукацыі. Таму першачарговымі задачамі з`яўляюцца захаванне і абагачэнне традыцый беларускай школы, стварэнне ўмоў для яе стабільнага развіцця, павышэнне прэстыжу педагагічнай дзейнасці.

Мы паважаем і цэнім настаўнікаў як надзейную апору дзяржавы, нашых верных памочнікаў у вырашэнні галоўных пытанняў грамадскага жыцця. Перакананы, што вы і надалей будзеце працаваць гэтак жа плённа, укладваючы свае сілы, розум і талент у станаўленне новых пакаленняў незалежнай Беларусі.

Зычу настаўнікам і ўсім педагагічным работнікам нашай краіны моцнага здароўя, поспехаў, шчасця і добрага настрою.

Прэзідэнт Рэспублікі Беларусь
Аляксандр Лукашэнка.

Звязда, 6 кастрычніка 2012

Ссылка на текущий документ: http://belarus.kz/aktueller/11-/28/16703

Текущая дата: 24.11.2024