Дзякуючы дапамозе дзяржустаноў Беларусі абнаўляецца матэрыяльная база школы, бібліятэка папаўняецца беларускімі кнігамі і сучаснымі метадычнымі выданнямі. Рамонт, новая мэбля, школьны аўтобус, навучальная абсталяванне — гэта толькі кароткі пералік укладу Беларусі ў падтрымку школы сваіх суайчыннікаў у Літве.

 Ад імя кіраўніка беларускай дзяржавы пасол уручыў першакласнікам кнігу “Беларусь — наша Радзіма. Падарунак Прэзідэнта Рэспублікі Беларусь першакласніку”. Вучні таксама атрымалі памятныя падарункі ад Мінскага гарадскога выканаўчага камітэта — партфелі і наборы канцылярскіх прылад. Школа становіцца ўсё больш папулярнай у беларусаў Літвы, паведамляе БелТА. Пяць гадоў таму ў ёй вучыліся 130 вучняў, а сёння 185. У гэтым годзе ў рэйтынгу школ нацыянальных меншасцей Вільнюса школа заняла першае месца, а сярод усіх агульнаадукацыйных школ і гімназій Літвы — адзінаццатае. Міністэрства адукацыі Беларусі ўзнагародзіла школу ў 2011 годзе граматай за захаванне беларускіх традыцый і мовы. Не толькі якасная адукацыя, камфортныя ўмовы для навучання, але і магчымасць пасля заканчэння школы паступіць у беларускія ВНУ прыцягвае ў яе беларусаў Літвы.

Народная Газета
2 верасня 2011

Ссылка на текущий документ: http://belarus.kz/aktueller/11-/31/10279

Текущая дата: 24.11.2024