Міжнародны калектыў палеагенетыкаў расшыфраваў геномы старажытных жыхароў Блізкага Усходу і Еўропы і выявіў, што першыя фермеры Зямлі з’явіліся ў выніку змешвання двух плямёнаў паляўнічых-збіральнікаў 13 тыс.гадоў таму. Высновы навукоўцаў былі апублікаваныя ў артыкуле ў часопісе Cell.
«Нам удалося правесці першае ў гісторыі дэмаграфічнае мадэляванне, пабудаванае на базе старажытнай выкапнёвай ДНК. Мы значна пашырылі нашы ўяўленні аб гісторыі папуляцый першых фермераў, іх паходжанні і кантактах з іншымі групамі людзей, што ў мінулым немагчыма было высветліць», — заявіў прафесар Бернскага ўніверсітэта (Швейцарыя) Ларан Экскаф’е, чые словы прыводзіць прэс-служба ВНУ.
Як мяркуюць навукоўцы, фермерскае мастацтва з’явілася на тэрыторыі Блізкага Усходу, Індыі ці Ірана каля 12-10 тыс. гадоў таму, прыкладна ў той жа час, калі зарадзілася цывілізацыя і людзі перайшлі да аселага ладу жыцця. Пасля, фермерства распаўсюдзілася па іншых рэгіёнах свету, што прывяло да нараджэння культур сотняў аселых народаў-земляробаў.
Група палеагенетыкаў пад кіраўніцтвам Экскаф’ё раскрыла Паходжанне першых фермераў зямлі ў ходзе вывучэння геномаў 15 старажытных людзей, якія жылі на Блізкім Усходзе і ў Еўропе каля 7-9 тыс.гадоў таму. Навукоўцы выказалі здагадку, што ДНК гэтых людзей можа захоўваць у сабе сляды міграцый першых фермераў зямлі іх кантактаў з плямёнамі апошніх паляўнічых-збіральнікаў.
Звязда, 13 траўня 2022
Ссылка на текущий документ: http://belarus.kz/aktueller/11-/4/64955
Текущая дата: 23.11.2024