— Такая літаратура павінна дапамагчы нашым супрацоўнікам пераадолець моўны бар’ер у зносінах з замежнымі гасцямі. У першую чаргу гэта тычыцца праваднiкоў пасажырскіх цягнікоў і персаналу чыгуначных вакзалаў, — паведамілі ў прэс-службе арганізацыі. — Тэматыка размоўнікаў будзе складзена з улікам спецыфікі гэтых чыгуначных прафесій. Тыраж кніг вызначыцца зыходзячы з штата работнікаў.

Выданне гэтых размоўнікаў стане часткай работы Беларускай чыгункі па падрыхтоўцы да правядзення ў Мінску чэмпіянату свету па хакеі ў 2014 годзе.

Беларуская магістраль вывучае вопыт замежных калег, чые краіны ўжо праводзілі міжнародныя спартыўныя спаборніцтвы такога ўзроўню. Да прыкладу, вопыт выдання размоўніка для чыгуначнікаў ёсць у нашых украінскіх суседзяў. Акрамя таго, плануецца, што працаўнікі чыгункі, якія будуць занятыя абслугоўваннем замежных гасцей і ўдзельнікаў чэмпіянату, пройдуць навучанне на курсах замежных моў.

Рэспубліка, 19 сакавіка 2013

Ссылка на текущий документ: http://belarus.kz/aktueller/11-402/9/20007

Текущая дата: 28.12.2024