Беларуская тэнісістка Арына Сабаленка чацвёрты тыдзень запар узначальвае рэйтынг Жаночай тэніснай асацыяцыі (WTA), пра гэта сведчаць абноўленыя дадзеныя на афіцыйным сайце арганізацыі.

Нягледзячы на ​​тое, што на выніковым турніры WTA Сабаленка не змагла дайсці да фіналу, саступіўшы Коры Гауф, спартсменка зарабіла не толькі балы (у беларускі зараз на рахунку 9 416 балаў), але і больш за 1 млн долараў.

Што тычыцца іншых беларусак, то Вікторыя Азаранка да гэтага часу знаходзіцца ў дваццатцы лепшых тэнісістак свету. Трэці тыдзень запар яна займае 20-е месца, зарабіўшы 2 127 балаў.

Аляксандра Сасновіч у абноўленым рэйтынгу апусцілася на адну пазіцыю, зараз яна займае 146-ы радок.

Алена Фалей узнялася на 6 пазіцый, заняўшы 196 радок, у яе ў скарбонцы 360 балаў.

Ірына Шымановіч крыху пагоршыла сваю пазіцыі: у спартсменкі мінус адзін радок і 250-е месца.

У першую дзесятку жаночага рэйтынгу на дадзены момант таксама ўваходзяць Іга Свёнтэк, Коры Гауф, Жасмін Пааліні, Чжэн Цыньвэнь, Алена Рыбакіна, Джэсіка Пегула, Эма Навара, Дар’я Касаткіна і Барбора Крэйчыкава.

Мінск, 11 лістапада 2024
Sputnik