Хакейная каманда прэзідэнта Беларусі Аляксандра Лукашэнкі з першага месца выйшла ў плэй-оф XII Рэспубліканскіх спаборніцтваў сярод аматараў, паведамляецца на сайце Прэзідэнцкага спартыўнага клуба.

Сёння лядовая дружына кіраўніка дзяржавы правяла заключны паядынак групавога раўнда супраць зборнай Гомельскай вобласці. Матч адбыўся ў Лядовым палацы Жлобіна і завяршыўся перамогай каманды Лукашэнкі з лікам 10:4.

Нагадаем, дзеючы ўладальнік трафея не прайграў ніводнага матчу ў рамках групы, абыграўшы хакеістаў з Мінскай, Магілёўскай, Віцебска, Брэсцкай і Гродзенскай абласцей. З 12 пунктамі каманда Лукашэнкі выйшла ў плэй-оф з першага месца ў групе.

Разам з лідарамі групы ў плэй-оф таксама выйшлі хакеісты Міншчыны і Гомельшчыны. Крыху пазней вызначыцца яшчэ адзін паўфіналіст.

Вырашальныя матчы пройдуць у красавіку.

Хакейная каманда Прэзідэнта Беларусі раней дзевяць разоў перамагала ў гэтых спаборніцтвах (у 2008, 2010-2012, 2014-2018 гадах). Па адной перамозе ў турніры ў хакеістаў Гомельскай (2009) і Мінскай абласцей (2013 года).

Мінск, 23 сакавіка 2019
Sputnik