Белорусский портал в Казахстане

Беларус Андрэй Скабелка назначаны галоўным трэнерам астанінскага "Барыса"



Беларус Андрэй Скабелка назначаны галоўным трэнерам астанінскага "Барыса", паведамляе афіцыйны сайт клуба з Казахстана.

Працоўнае пагадненне настаўніка разлічана на два гады. Беларус зоймецца таксама фарміраваннем трэнерскага штаба каманды. У мінулым сезоне ён кіраваў омскім "Авангардам", але быў звольнены ў студзені бягучага года.

Найбольшага поспеху за трэнерскую кар`еру ў КХЛ беларускі спецыяліст дасягнуў з новасібірскай "Сібір`ю", з якой заняў першае месца ў рэгулярным чэмпіянаце Усходняй канферэнцыі, а ў плэй-оф дайшоў да фіналу канферэнцыі ў сезоне 2014/2015.

У Беларусі Андрэй Скабелка працаваў з ХК "Гомель", стаўшы бронзавым прызёрам чэмпіянату ў 2010 годзе. За кар`еру іграка адзін з лепшых нападаючых нацыянальнай зборнай двойчы прызнаваўся лепшым іграком Беларусі - у 1994 і 1997 гадах.

5 чэрвеня 2018, Мінск
БЕЛТА


Ссылка на текущий документ: http://belarus.kz/aktueller/12-/154/43680
Текущая дата: 20.05.2024