Белорусский портал в Казахстане

Экіпаж Сяргея Вязовіча выйграў ралі Turkmen Desert Race



Гэта першая перамога Вязовіча ў ралі-рэйдах у складзе мазаўскай спартыўнай каманды і першы трыумф гэтай каманды ў гісторыі.

Экіпаж лідара беларускай каманды "МАЗ-СПОРТаўта" Сяргея Вязовіча выйграў ралі Turkmen Desert Race ў грузавым заліку, сведчаць дадзеныя арганізатараў гонкі.

Апошні, пяты этап ралі, завяршыўся ў суботу. Вязовіч стаў пераможцам этапу і ўзначаліў залік грузавікоў, што азначае перамогу ў гонцы.

Другое месца па выніках гонкі заняў экіпаж Айрата Мардзеева на Камазе. Арганізатары далі расіянам 26-хвілінны штраф за тое, што яны праігнаравалі запраўку ў ходзе першага этапу, і перад самым фінішам засталіся без паліва і прыбылі на бівуак са спазненнем. Трэцяе месца — яшчэ ў аднаго прадстаўніка "КАМАЗ-МАЙСТАР" Дзмітрыя Сотнікава.

Чацвёрты радок займае МАЗ Аляксея Вішнеўскага. Экіпаж Аляксандра Васілеўскага размясціўся на пятым месцы.

Перамога Вязовіча стала першай для яго самога ў ралі-рэйдах у складзе "МАЗ-СПОРТаўта" і першым трыумфам беларускай каманды. Раней, у студзені гэтага года, Вязовіч заняў другое месца па выніках ралі "Дакар", якое лічыцца адным з самых складаных на планеце.

Мінск, 15 верасня 2018
Sputnik

Ссылка на текущий документ: http://belarus.kz/aktueller/12-/3/44962
Текущая дата: 02.05.2024