Моладзь Еўрапейскай народнай партыі (YEPP), якая аб`ядноўвае нацыянальныя хрысціянска-дэмакратычныя і кансерватыўныя партыі Еўропы, патрабуе вызвалення беларускіх палітзняволеных і заклікае байкатаваць міжнародныя спартыўныя мерапрыемствы ў Беларусі. У тым ліку — чэмпіянат свету па хакеі, які павінен прайсці ў 2014 годзе ў Мінску, гаворыцца ў рэзалюцыі, прынятай 6 лютага на канферэнцыі YEPP.
Як паведаміў прадстаўнік Беларусі ў аргкамітэце YEPP Аляксандр Шумкевіч, актывісты YEPP настойвалі на ўключэнні ў рэзалюцыю пункта аб байкатаванні правядзення ў Мінску чэмпіянату свету па хакеі, бо для многіх хакейных краін, у тым ліку Швецыі, Чэхіі, ЗША, з`яўляецца "абсалютна непатрэбнай нагрузкай удзельнічаць у чэмпіянаце свету, які будзе праводзіцца ў адзін год з Алімпіядай".
"А ўлічваючы наяўную ў Беларусі палітычную сітуацыю і даволі жорсткае стаўленне да гэтага еўрапейскіх краін, мы можам атрымаць сітуацыю, калі Міжнародная федэрацыя хакея ўсё-такі пакіне правядзенне гэтага чэмпіянату ў Мінску, але прыедуць да нас толькі Расія і Казахстан", — сказаў Шумкевіч.
У рэзалюцыі таксама ўтрымліваецца заклік да афіцыйных органаў Еўрасаюза і краін — удзельніц ЕС максімальна садзейнічаць дэмакратызацыі Беларусі, а таксама аказваць падтрымку беларускім студэнтам і навучэнцам, якія пазбавіліся магчымасці вучыцца ў краіне з-за палітычных рэпрэсій. YEPP заклікае іншыя міжнародныя арганізацыі і НДА адмовіцца ад запрашэння афіцыйных беларускіх чыноўнікаў і прадстаўнікоў Беларускага рэспубліканскага саюза моладзі на любыя міжнародныя мерапрыемствы.
7 лютага тэкст рэзалюцыі быў распаўсюджаны па афіцыйных каналах Бруселя. У шэрагу краін таксама рыхтуюцца афіцыйныя звароты ў спартыўныя міністэрствы і ведамствы, хакейныя федэрацыі з прапановай адмовіцца ад наведвання Мінска.
Анастасія Янушэўская, БелаПАН
Мінск, 9 лютага 2011
"А ўлічваючы наяўную ў Беларусі палітычную сітуацыю і даволі жорсткае стаўленне да гэтага еўрапейскіх краін, мы можам атрымаць сітуацыю, калі Міжнародная федэрацыя хакея ўсё-такі пакіне правядзенне гэтага чэмпіянату ў Мінску, але прыедуць да нас толькі Расія і Казахстан", — сказаў Шумкевіч.
У рэзалюцыі таксама ўтрымліваецца заклік да афіцыйных органаў Еўрасаюза і краін — удзельніц ЕС максімальна садзейнічаць дэмакратызацыі Беларусі, а таксама аказваць падтрымку беларускім студэнтам і навучэнцам, якія пазбавіліся магчымасці вучыцца ў краіне з-за палітычных рэпрэсій. YEPP заклікае іншыя міжнародныя арганізацыі і НДА адмовіцца ад запрашэння афіцыйных беларускіх чыноўнікаў і прадстаўнікоў Беларускага рэспубліканскага саюза моладзі на любыя міжнародныя мерапрыемствы.
7 лютага тэкст рэзалюцыі быў распаўсюджаны па афіцыйных каналах Бруселя. У шэрагу краін таксама рыхтуюцца афіцыйныя звароты ў спартыўныя міністэрствы і ведамствы, хакейныя федэрацыі з прапановай адмовіцца ад наведвання Мінска.
Анастасія Янушэўская, БелаПАН
Мінск, 9 лютага 2011
Ссылка на текущий документ: http://belarus.kz/aktueller/12-/338/4337
Текущая дата: 15.11.2024