Эльвіра Герман зрабіла фальстарт, пасля якога перастрахавалася і пачала забег крыху пазней за саперніц. Тым не менш беларуска змагла прыбавіць на фінішы і ў выніку заняла трэцяе месца з рэзультатам 12,92 сек.

Першай фінішавала амерыканка Шарыка Нелвіс - 12,80 сек., другая пазіцыя ў польскай спартсменкі Караліны Калечак - 12,86 сек. Украінка Юлія Леўчанка выйграла спаборніцтвы ў сектары для скачкоў у вышыню з рэзультатам - 2 м 02 см, гэта яе лепшы скачок у кар`еры.

Другое месца заняла яшчэ адна ўкраінская спартсменка Ірына Герашчанка - 1 м 98 см, трэцяя падагульняючая пазіцыя з такім жа рэзультатам у расіянкі Марыі Ласіцкене. Беларуска Карына Дзямідзік пераадолела планку на вышыні 1 м 87 см і заняла 6-е месца.

11 верасня 2019, Мінск
БЕЛТА