"Мы з нецярпеннем чакаем 2021 год, калі сумесна будзем праводзіць чэмпіянат свету па хакеі", — заявіў прэм`ер-міністр Андрэй Кабякоў 7-га лютага ў Мінску на сустрэчы з латвійскім калегам Марысам Кучынскісам.
"Вельмі рады таму, што наша сумесная заяўка перамагла, мы зараз самым сур`ёзным чынам рыхтуемся да гэтага мерапрыемства, — прыводзіць словы Кабякова прэс-служба ўрада. — Вопыт у нашых краін ёсць: і ў Беларусі, і ў Латвіі ўжо праводзіўся чэмпіянат свету па хакеі, і зараз мы павінны зрабіць такі чэмпіянат свету, каб да нас нідзе лепшага не было".
Кучынскіс выказаў надзею, што ў фінале спаборніцтваў у Мінску згуляюць зборныя Латвіі і Беларусі. "Вельмі добрае пажаданне", — адрэагаваў Кабякоў.
Абедзве каманды ні разу не гулялі ў фінале хакейнага ЧМ.
БелаПАН
Мінск, 8 лютага 2018
Мінск, 8 лютага 2018
Ссылка на текущий документ: http://belarus.kz/aktueller/12-0/165/42474
Текущая дата: 14.06.2024