У МЗС удакладняюць, што беларускі аўтобус трапіў у ДТЗ у першай палове дня паміж населенымі пунктамі Горжычкі і Чэска-Скаліцэ. "Турыстычная група з 49 чалавек (дзеці разам з бацькамі) ехалі з Прагі ва Уроцлаў. Паводле папярэдняй інфармацыі, ахвяраў няма", — паведамляюць у міністэрстве.

Шпіталізаваныя больш за 15 чалавек, двое з іх — у цяжкім стане. Усім пацярпелым аказваецца медыцынская дапамога, зазначаюць у МЗС. Турысты, якія не пацярпелі падчас аварыі, чакаюць вяртання ў Беларусь, турыстычная кампанія накіравала да іх дадатковы аўтобус.

"Пасольства Беларусі кантактуе з паліцыяй, падраздзяленнямі МНС, прадстаўнікамі турыстычнай кампаніі. Удакладняюцца спісы пацярпелых. Пасля ўстанаўлення месца шпіталізацыі найбольш пацярпелых да іх выедзе консульскі супрацоўнік пасольства Беларусі ў Чэхіі", — паведамляюць у МЗС.

Аляксей Аляксандраў, БелаПАН
Мінск, 6 студзеня 2016