Гамяльчанін Яўген Цуркін першы дзень спаборніцтваў выйграў фінальны заплыў на дыстанцыі 50 м батэрфляем, двухразовы сярэбраны прызёр Алімпіяды ў Лондане Аляксандра Герасіменя заняла трэцяе месца ў вырашальным спрынтарскім заплыве на 100 м вольным стылем.

Яўген Цуркін зноў даказаў, як і на чэмпіянаце Беларусі, што знаходзіцца ў добрай форме. У Маскве на спрынтарскай дыстанцыі 50 м батэрфляем паказаных секунд - 23,26 сек. - хапіла, каб перамагчы. Бліжэйшыя канкурэнты ўступілі чэмпіёну менш за секунду. Уладзімір Марозаў стаў другім - 23,43 сек., Вячаслаў Пруднікаў - 23,58 сек.

У фінале на 100 м вольным стылем у жанчын лідар жаночай зборнай Беларусі Аляксандра Герасіменя заняла трэцяе месца з рэзультатам 54,38 сек. Усяго толькі шэсць сотых секунды беларуска ўступіла Вераніцы Паповай, якая была другой, і 23 сотыя секунды - пераможцы Наталлі Лаўцовай. Аляксандра Герасіменя выступіць у Маскве таксама на дыстанцыях 50 м вольным стылем і 50 м батэрфляем.

Завершыцца адкрыты чэмпіянат Расіі па плаванні 23 красавіка.

22 красавіка 2015, Мінск
БЕЛТА