Як паведамляе афіцыйны сайт IIHF, мінскае першынство пройдзе з 9 па 25 мая.
Чэмпіянат свету 2013 года, як і цяперашні, па рашэнні кангрэса пройдзе ў Швецыі і Фінляндыі (3—19 мая), 2015 года — у Чэхіі (1—17 мая), 2016-га — у Маскве і Санкт-Пецярбургу (29 красавіка — 15 мая).
Як раней паведамлялася, выступаючы сёння раніцай на адкрыцці кангрэса, старшыня IIHF Рэне Фазель чарговы раз выказаўся супраць пераносу ЧС-2014 з Беларусі ў іншую краіну.
"Спорт не можа і не павінен выкарыстоўвацца ў якасці палітычнага інструменту, — заявіў Фазель. — Не думаю, што хтосьці з прысутных тут прыхільнік парушэння дэмакратыі і правоў чалавека. Наша арганізацыя таксама прытрымліваецца прынцыпаў дэмакратыі: кожны мае права падняцца і сказаць, што ён думае па тым ці іншым пытанні. І так будзе заўсёды. Але я перакананы, што спартыўныя арганізацыі і самі спартсмены не павінны паводзіць сябе як палітыкі і займацца палітычнымі справамі. Мы не павінны быць лялькамі ў руках палітыкаў ці актывістаў. Спорт не можа і не павінен выкарыстоўвацца ў якасці палітычнага інструменту".
Паводле меркавання кіраўніка IIHF, спорт, у адрозненне ад палітыкі, павінен дапамагаць згладжваць пэўныя вуглы і канфлікты. У якасці прыкладу Фазель прывёў некаторыя падзеі 70-х гадоў XX стагоддзя: матчы па настольным тэнісе паміж ЗША і Кітаем, а таксама вядомую хакейную суперсерыю паміж Савецкім Саюзам і Канадай, якія, паводле слоў Фазеля, дапамаглі "растапіць лёд" у адносінах паміж гэтымі краінамі.
"Я ўпэўнены, што калі мы правядзём чэмпіянат свету ў Беларусі, то, як і ў згаданых мной выпадках, гэта дапаможа палепшыць сітуацыю. Калі ж мы не паедзем у Беларусь, я перакананы, што мы пакараем не тых людзей: беларускіх прыхільнікаў хакея, іншых балельшчыкаў, спартсменаў. Байкоты спартыўных падзей супярэчаць фундаментальным ідэям спорту", — цытуе Фазеля афіцыйны сайт IIHF.
Заклікі пра неабходнасць пазбавіць Беларусь права на правядзенне ЧС-2014 пачалі з`яўляцца неўзабаве пасля падзей 19 снежня 2010 года, калі ў Мінску быў жорстка разагнаны мітынг нязгодных з афіцыйнымі вынікамі прэзідэнцкіх выбараў і арыштаваныя сотні актывістаў апазіцыі, у тым ліку большасць апазіцыйных кандыдатаў у прэзідэнты.
У лютым гэтага года шведскія СМІ паведамілі, што на майскім пасяджэнні кангрэса месца правядзення ЧС-2014 можа быць перагледжана.
З заклікам перанесці месца правядзення спаборніцтваў выступіў Еўрапарламент, а еўрадэпутаты Марэк Мігальскі (Польшча) і вядомы ў мінулым славацкі хакеіст, член Залы хакейнай славы Петэр Шцясны арганізавалі інтэрнэт-акцыі па зборы подпісаў за адмену чэмпіянату ў Беларусі.
Пра неабходнасць пазбавіць Беларусь чэмпіянату свету неаднаразова заяўляў і міністр спорту Фінляндыі Паава Архінмякі.
У пачатку гэтага тыдня 28 амерыканскіх кангрэсменаў заклікалі прэзідэнта IIHF Рэне Фазеля не праводзіць ЧС-2014 у Мінску. У іх лісце адзначаецца: хоць палітзняволеныя Андрэй Саннікаў і Дзмітрый Бандарэнка вызваленыя, многія іншыя апазіцыянеры працягваюць заставацца ў турмах, актывістаў жа грамадзянскай супольнасці па-ранейшаму арыштоўваюць і запалохваюць.
"Рэпрэсіўны клімат у Беларусі прымушае засумнявацца ў дабрабыце, бяспецы і свабодзе перамяшчэння для гульцоў, афіцыйных асоб, гледачоў і сродкаў масавай інфармацыі і з`яўляецца сур`ёзнай прычынай для сумненняў у тым, што чэмпіянат можа праводзіцца ў Мінску ў 2014 годзе", — сказана ў лісце.
Амерыканскія кангрэсмены заклікалі кожнага члена IIHF запатрабаваць ад улад Беларусі вызвалення палітзняволеных, каб не пазбавіцца права прымаць у сябе чэмпіянат.
У адказ на падобныя заклікі прэзідэнт IIHF неаднаразова заяўляў, што першынство пройдзе ў Мінску.
Месца правядзення чэмпіянату свету па хакеі мянялася толькі аднойчы: пасля таго як у 1968 годзе Савецкі Саюз акупіраваў Чэхаславакію, вясенні чэмпіянат свету 1969 года, які планаваўся ў Празе, быў перанесены ў Стакгольм.
Аляксандр Ванковіч, БелаПАН
Мінск, 18 мая 2012
Як раней паведамлялася, выступаючы сёння раніцай на адкрыцці кангрэса, старшыня IIHF Рэне Фазель чарговы раз выказаўся супраць пераносу ЧС-2014 з Беларусі ў іншую краіну.
"Спорт не можа і не павінен выкарыстоўвацца ў якасці палітычнага інструменту, — заявіў Фазель. — Не думаю, што хтосьці з прысутных тут прыхільнік парушэння дэмакратыі і правоў чалавека. Наша арганізацыя таксама прытрымліваецца прынцыпаў дэмакратыі: кожны мае права падняцца і сказаць, што ён думае па тым ці іншым пытанні. І так будзе заўсёды. Але я перакананы, што спартыўныя арганізацыі і самі спартсмены не павінны паводзіць сябе як палітыкі і займацца палітычнымі справамі. Мы не павінны быць лялькамі ў руках палітыкаў ці актывістаў. Спорт не можа і не павінен выкарыстоўвацца ў якасці палітычнага інструменту".
Паводле меркавання кіраўніка IIHF, спорт, у адрозненне ад палітыкі, павінен дапамагаць згладжваць пэўныя вуглы і канфлікты. У якасці прыкладу Фазель прывёў некаторыя падзеі 70-х гадоў XX стагоддзя: матчы па настольным тэнісе паміж ЗША і Кітаем, а таксама вядомую хакейную суперсерыю паміж Савецкім Саюзам і Канадай, якія, паводле слоў Фазеля, дапамаглі "растапіць лёд" у адносінах паміж гэтымі краінамі.
"Я ўпэўнены, што калі мы правядзём чэмпіянат свету ў Беларусі, то, як і ў згаданых мной выпадках, гэта дапаможа палепшыць сітуацыю. Калі ж мы не паедзем у Беларусь, я перакананы, што мы пакараем не тых людзей: беларускіх прыхільнікаў хакея, іншых балельшчыкаў, спартсменаў. Байкоты спартыўных падзей супярэчаць фундаментальным ідэям спорту", — цытуе Фазеля афіцыйны сайт IIHF.
Заклікі пра неабходнасць пазбавіць Беларусь права на правядзенне ЧС-2014 пачалі з`яўляцца неўзабаве пасля падзей 19 снежня 2010 года, калі ў Мінску быў жорстка разагнаны мітынг нязгодных з афіцыйнымі вынікамі прэзідэнцкіх выбараў і арыштаваныя сотні актывістаў апазіцыі, у тым ліку большасць апазіцыйных кандыдатаў у прэзідэнты.
У лютым гэтага года шведскія СМІ паведамілі, што на майскім пасяджэнні кангрэса месца правядзення ЧС-2014 можа быць перагледжана.
З заклікам перанесці месца правядзення спаборніцтваў выступіў Еўрапарламент, а еўрадэпутаты Марэк Мігальскі (Польшча) і вядомы ў мінулым славацкі хакеіст, член Залы хакейнай славы Петэр Шцясны арганізавалі інтэрнэт-акцыі па зборы подпісаў за адмену чэмпіянату ў Беларусі.
Пра неабходнасць пазбавіць Беларусь чэмпіянату свету неаднаразова заяўляў і міністр спорту Фінляндыі Паава Архінмякі.
У пачатку гэтага тыдня 28 амерыканскіх кангрэсменаў заклікалі прэзідэнта IIHF Рэне Фазеля не праводзіць ЧС-2014 у Мінску. У іх лісце адзначаецца: хоць палітзняволеныя Андрэй Саннікаў і Дзмітрый Бандарэнка вызваленыя, многія іншыя апазіцыянеры працягваюць заставацца ў турмах, актывістаў жа грамадзянскай супольнасці па-ранейшаму арыштоўваюць і запалохваюць.
"Рэпрэсіўны клімат у Беларусі прымушае засумнявацца ў дабрабыце, бяспецы і свабодзе перамяшчэння для гульцоў, афіцыйных асоб, гледачоў і сродкаў масавай інфармацыі і з`яўляецца сур`ёзнай прычынай для сумненняў у тым, што чэмпіянат можа праводзіцца ў Мінску ў 2014 годзе", — сказана ў лісце.
Амерыканскія кангрэсмены заклікалі кожнага члена IIHF запатрабаваць ад улад Беларусі вызвалення палітзняволеных, каб не пазбавіцца права прымаць у сябе чэмпіянат.
У адказ на падобныя заклікі прэзідэнт IIHF неаднаразова заяўляў, што першынство пройдзе ў Мінску.
Месца правядзення чэмпіянату свету па хакеі мянялася толькі аднойчы: пасля таго як у 1968 годзе Савецкі Саюз акупіраваў Чэхаславакію, вясенні чэмпіянат свету 1969 года, які планаваўся ў Празе, быў перанесены ў Стакгольм.
Аляксандр Ванковіч, БелаПАН
Мінск, 18 мая 2012
Ссылка на текущий документ: http://belarus.kz/aktueller/12-0/314/14171
Текущая дата: 26.12.2024