Каманда скіпа Ільі Шаламіцкага тактычна правільна правяла сустрэчу. У трох эндах запар беларусы зарабілі неабходныя ачкі, якія далі магчымасць дабіцца патрэбнага рэзультату.

Дзякуючы перамозе над Уэльсам беларуская каманда выйшла на першае месца ў групе. Англія, якая лідзіравала, нечакана ўступіла Ізраілю - 8:10.

Турнірнае становішча: Беларусь - 4 перамогі (6 матчаў), Данія - 4 (6), Англія - 4 (6), Аўстрыя - 3 (6), Літва - 3 (6), Ізраіль - 2 (6), Славенія - 2 (6), Уэльс - 2 (6).

У групе А на першым месцы ў табліцы каманда Чэхіі, у якой шэсць перамог у шасці гульнях. У ліку прэтэндэнтаў на выхад у наступную стадыю - Іспанія, Эстонія, Латвія і Венгрыя. Чатыры лепшыя каманды згуляюць у плэй-оф з квартэтам зборных з групы А.

Фіналісты дывізіёна Б чэмпіянату Еўропы атрымаюць права згуляць у дывізіёне А з мацнейшымі еўрапейскімі дружынамі па кёрлінгу.

22 лістапада 2018, Мінск
БЕЛТА