Беларускі спартсмен Іван Брынза пранёс дзяржаўны сцяг на адкрыцці III летніх Юнацкіх Алімпійскіх гульняў у Аргенціне, паведамілі ў НАК Беларусі.

Урачыстая цырымонія адкрыцця Юнацкіх Алімпійскіх гульняў прайшла ў суботу ў Буэнас-Айрэсе.

Арганізатары правялі шоу на цэнтральнай вуліцы Буэнас-Айрэса каля манумента Абеліск. З прывітальным словам да ўдзельнікаў звярнуўся прэзідэнт Міжнароднага алімпійскага камітэта Томас Бах. Адкрыццё за межамі спартыўнага аб`екта стала першым у гісторыі Алімпіяд.

Пасля быў запалены алімпійскі агонь і адбылося шэсьце атлетаў са сцягамі сваіх краін. Беларускі сцяг у складзе зборнай пранёс вясляр Іван Брынза. Спартсмен быў абраны сцяганосцам і капітанам юнацкай зборнай рэспублікі.

Іван Брынза ў свае 17 гадоў стаў прызёрам юніёрскага чэмпіянату Еўропы 2018 па акадэмічным веславанні на двухкіламетровай дыстанцыі. На гэтым жа першынстве юны спартсмен стаў чацвёртым на сусветным першынстве сярод юніёраў у гэтым годзе.

Беларусы на Гульнях будуць удзельнічаць у 16 ​​дысцыплінах. На працягу 12 спаборніцкіх дзён будзе разыграны 241 камплект узнагарод.

Усяго ў юнацкай Алімпіядзе з 6 па 18 кастрычніка прымуць удзел амаль чатыры тысячы спартсменаў з 206 краін свету.

Мінск, 7 кастрычніка 2018
Sputnik