"Сапраўдная легенда нашага клуба, беларускага футбола. Ён быў шчырым і выдатным чалавекам, душой і сэрцам кожную хвіліну свайго жыцця перажываў за родны клуб і быў побач з ім нават у тыя моманты, калі было вельмі цяжка..." — адзначаецца ў некралогу.

Іван Савосцікаў — бронзавы прызёр чэмпіянату СССР 1963 года, фіналіст Кубка СССР у складзе мінскага "Дынама". Працаваў у камандзе трэнерам (1978—1986) і старшым трэнерам (1986—1988). Кіраваў камандай у драматычным фінале Кубка СССР-1986/87 супраць кіеўскага "Дынама", калі яна, ведучы 3:1, у выніку прайграла па пенальці. У 1992—2000 гадах узначальваў моладзевую зборную Беларусі. Бацька футбаліста Кірыла Савосцікава.

Дзмітрый Уласаў, БелаПАН